Twents, doar is niks mis met

In 2005 is 't toomoalige Van Deinse Instituut (centrum veur streektaal en streekcultuur van Twente), tehoop met prof. dr. Anne van der Meiden en cabaretier Herman Finkers, begunnen met 'n campagne veur 't Twents op RTV Oost. 'n Paar wekke lang warren d'r radiospotjes en tv-spotjes te heuren en te zeen.

Verscheaidene leu hebt hieran metwearkt: Herman Finkers, Bert Groothengel, André Hottenhuis, Gerrit Kraa, Thea Kroese, Anne van der Meiden, Gé Reinders, Annie Schreijer - Pierik en Johanna ter Steege.